تحریر
حناء شاہد
لب سے جو نکلی دعا۔۔۔۔۔۔۔۔۔۔۔۔!!!
تحریر
حناء شاہد
قسط نمبر 3:
وہ وقت بھی دیکھے ہیں تاریخ کی گلیوں نے
لمحوں نے خطا کی تھی صدیوں نے سزا پائی
متوسط طبقے سے تعلق رکھنے والی عشنا جب ڈولی میں بیٹھی تو اسے یوں محسوس ہوا گویا وہ شہزادی ہو اور اسے بیاہنے کسی سلطنت کا شہزادہ آیا ہو۔جس شان و شوکت سے اس کی شادی ہوئی تھی سب رشتے دار حیران رہ گئے تھے۔ دولت روپیہ پیسہ، نوکر چاکر محل نما گھر سب کچھ مل گیا تھا اسے۔ لیکن!!! کیا زندگی میں سب کچھ مل جانے سے زندگی مکمل ہو جاتی ہے۔۔۔۔۔۔۔۔۔؟؟؟ اس کے سارے خواب پورے ہو گئے تھے۔ اسے ایسا ہمسفر ملا جس کے پاس سب کچھ تھا جو عشنا کو اپنی زندگی میں چاہئیے تھا۔ اسے یوں گمان ہونے لگا جیسے اب کوئی غم ، کوئی تکلیف ،کوئی دکھ اسے چھو بھی نہیں سکتا۔وہ اپنی زندگی بہت عیش و عشرت سے گزار رہی تھی۔ اسے اپنی خوبصورت اور پر کشش نقوش اپنی خوش قسمتی معلوم ہوتے تھے۔ لیکن !!! پھر کچھ ایسا ہوا جو طمانچے کی طرح اس کے منہ پہ لگا اور زندگی کی ساری حقیقت اس کے سامنے کھل گئی۔
“کیسی ہو۔۔۔۔۔۔۔۔۔۔؟؟؟”
نائٹ ڈریس پہنے وہ اس وقت ٹیرس پہ کھڑا تھا۔ اس کا کشادہ ماتھا چاند کی روشنی میں چمک دمک رہا تھا۔ جب اس نے موبائیل فون پہ بات کرتے ہوئے سوالیہ انداز میں پوچھا۔
“ٹھیک ہوں “
دوسری جانب سے کہا گیا۔ آواز میں بیزاری تھی
“سوری میں تمہیں کافی دنوں سے وقت نہیں دے سکا۔”
اس نے پشیمانی کے ساتھ اپنی غلطی کو تسلیم کیا تو دوسری جانب سے دھڑا دھڑ تیروں کی بوچھار ہوئی۔
“ہاں ! ہاں ! آج کل آپ اپنی نئی نویلی دلہن کے چونچلے اٹھانے میں جو مشغول ہوں گے۔”
وہ غصے سے بھرپور انداز میں بولی جیسے طنز کے نشتر چلا رہی ہو۔
“نئی نویلی دلہن !!! مائے فُٹ۔۔۔۔۔۔۔۔۔!”
وہ حقارت سے گویا ہوا۔
“یہ تو بس ایک رسمی شادی ہے۔ جسے میں زیادہ دیر تک نبھاؤں گا نہیں ۔ جب دل بھر جائے گا تو لباس کی طرح تبدیل کر لوں گا۔”
وہ تفاخر سے خود پہ مان کرتے ہوئے استہزائیہ انداز میں مسکرایا۔
“اچھا ! تو کیا جب مجھ سے بھی دل بھر جائے گا تو کیا مجھے بھی چھوڑ دو گے۔۔۔۔۔۔۔؟؟؟”
اس کا اندازسوالیہ تھا اور لہجہ بے پروا۔
“نہیں ! تم تو میری جان ہو میں تمہیں کبھی بھی نہیں چھوڑ سکتا۔”
اس نے معصومانہ انداز میں وضاحت کی تو دوسری جانب کھل کر قہقہہ لگایا گیا۔
“”اچھا تو اپنی جان کے لئیے کیا کر سکتے ہو۔۔۔۔۔۔۔؟؟؟”
اس نے سنجیدگی سے پوچھا۔
“میں اپنی جان بھی دے سکتا ہوں۔”
وہ ناز اور لاڈ سے بولا۔
“مجھے تمہاری جان نہیں چاہئیے۔”
وہ بیزاری سے گویا ہوئی۔
“پھر کیا چاہئیے۔۔۔۔۔۔۔؟؟؟”
اس نے جھٹ سے پوچھا۔
“میں بہت بور ہو رہی ہوں کہیں باہر چلیں۔۔۔۔۔۔۔۔۔ گھومنے ِ پھریں شاپنگ کرنے۔۔۔۔۔۔!”
وہ محبت سے بھرپور التجائی انداز میں بولی مگر اس کا لہجہ پرجوش تھا۔
“دیکھو! میں بھی کتنا پاگل ہوں تمہیں یہی بتانے کے لئیے تو فون کیا تھا۔ “میں کل بزنس میٹنگ کے سلسے میں دبئی جا رہا ہوں۔”تمہاری بھی ٹکٹ کروا دی ہے کل دوپہر کی فلائٹ ہے تیار رہنا”
اس نے تفصیل بتائی تو وہ خوشی سے اچھل پڑی۔
“”یہ بات تمہیں سب سے پہلے بتانی چاہئیے تھی۔”
لیکن پھر بھی اس نے شکوہ کر ہی ڈالا۔
“”چلو! اب تو خوش ہو جاؤ۔”
اس نے لاڈ سے گزارش کی۔
پھر کسی کے قدموں کی آہٹ اسے اپنے پیچھے آتے ہوئے محسوس ہوئی۔ اس سے قبل کہ وہ پیچھے کی جانب مڑ کر دیکھتا کسی کے نازنیں ہاتھوں نے سیل فون اس کے ہاتھ سے کھینچا اور زور سے زمین پہ پٹخ دیا۔
“”یہ کیا بدتمیزی ہے۔۔۔۔۔۔۔۔؟؟؟”
وہ غصے سے چیخا۔
“آپ رات کے اس پہر کس سے بات کر رہے ہیں۔۔۔۔۔۔؟؟؟”
بلیک نائٹی پہنے وہ اپسراء غصے سے عاشر کی جانب دیکھ رہی تھی، جو اور کوئی نہیں تھا اس کا شوہرِ نامدار تھا۔
“اپنی گرل فرینڈ سے۔۔۔۔۔۔”
عاشر کا چہرہ ندامت سے عاری تھا۔ جیسے اسے کسی کی بھی پروا نہ ہو۔
“کیا مطلب ہے۔۔۔۔۔۔۔۔۔؟ گرل فرینڈ۔۔۔۔۔۔۔۔۔۔!!!”
وہ تعجب سے نم آنکھوں کے ساتھ رنجیدہ انداز میں بولی ۔ اسے اس وقت کچھ بھی سمجھ نہیں آ رہا تھا۔
“”ہاں ! وہ میری گرل فرینڈ ہے۔”
اس نے بے اعتنائی کے ساتھ کندھے اچکا کر کہا۔
“میں عاشر! آپ کی بیوی ہوں ۔ میرے ہوتے ہوئے آپ کیسے کسی دوسری عورت کے ساتھ باتیں کر سکتے ہیں۔۔۔۔۔۔۔؟؟؟”
۔اس کی آنکھوں سے آنسو چھلکنے لگے۔ اور وہ سوالیہ نظروں سے عاشر کی جانب دیکھنے لگی۔
“بیوی ہو تو بیوی بن کر رہو۔ میرے سر پہ مسلط ہونے کی کوششش نہ کرو۔۔۔۔۔۔۔!!!
وہ بد لحاظی کا اعلیٰ مظاہرہ کرتے ہوئے ایک بار پھر چھیخا۔
“اور ویسے بھی مجھے معلوم ہے مجھے کیا کرنا ہے اور کیا نہیں۔”
وہ بےپروائی سے بول رہا تھا۔ جیسے اسے سب کچھ عشنا پر عیاں ہونے کی فکر ہی نہ ہو۔
“ایک نامحرم عورت کے ساتھ ایسے گھومنا پھرنا غلط ہے۔ ہمارا مذہب ہمیں یہ سب کچھ کرنے کی اجازت نہیں دیتا ہے۔
اس نے اپنے آنسو پونچھتے ہوئے عاشر کو سمجھانا چاہا۔ لیکن اس کی کوئی بھی دلیل عاشر کے پتھر دل کو موم نہ کر سکی۔ وہ بیوی نام کے اس رشتے کو صرف ذمے داری نبھانا سمجھتا تھا۔ جو اس کے خیال میں وہ نبھا بھی رہا تھا۔
“یہ تم لوگ اپنے ہر کام ہر بات میں مذہب کو کیوں لے کر آتے ہو۔۔۔۔۔۔۔؟ میرے لیے کیا بہتر ہے اور کیا نہیں مجھے سب پتا ہے۔”
وہ بے پروائی سے بول رہا تھا۔ اس کے دماغ کی رگیں پھول گئیں۔
“اوہ مائی گاڈ ! میں کہاں پھنس گیا ہوں۔۔۔۔۔۔۔!”
اپنے دونوں ہاتھ اپنے سر پہ رکھتے ہوئے وہ ایک بار پھر غصے سے دھاڑا۔ “”
میں کچھ دنوں کے لئیے عائمہ کو لے کر دبئی جا رہا ہوں ۔ میں بس تمہاری شکل دیکھ دیکھ کر فیڈ اپ ہو گیا ہوں۔ “
اکتاہٹ اس کے لہجے سے واضح تھی۔ وہ بیزار آ گیا تھا عشنا کی باتیں سن سن کے۔
“لیکن ! میں آپ کو کہیں بھی نہیں جانے دوں گی۔”
عشنا نے عاشر کا بازو پکڑتے ہوئے اسے روکنا چاہا۔ جسے دوسرے ہی لمحے عاشر نے جھٹکتے ہوئے زوردار دھکا دیا اور وہ اور وہ دور زمین پہ جا گری۔ گویا اسے کسی نے آسمان سے گرایا ہو۔ ی تھا آج وہ آسمان سے ہی گری تھی۔
“تم ہوتی کون ہو مجھے روکنے والی۔۔۔۔۔۔۔۔۔! “
وہ دھاڑا۔
“میں مرد ہوں میں کوئی تمہارا پابند نہیں ہوں۔۔۔۔۔۔۔!”
وہ تفاخر کے ساتھ خود پہ غرور کرتے ہوئے بولا۔ غصے سے اس کی آنکھیں لال ہو گئیں۔
“میں جب واپس آؤں تو تم مجھے یہاں نظر نہ آنا۔ اور اگر تمہیں میرے ساتھ زندگی گزارنی ہے تو تو پھر تمہیں میرے ساتھ رہنا ہو گا۔ اور میرے لائف سٹائل کے مطابق خود کو ڈھال لینا۔ میری گرل فرینڈز کو برداشت بھی کرنا ہو گا۔”
وہ اپنی بات مکمل ہونے پہ رکا نہیں اور فوراً سے کمرے کی جانب چلا گیا۔ جبکہ عشنا وہ تو ابھی تک حیرت زدہ تھی۔
زمین پر گری ہوئی کوئی بے ضرر سی چیز۔۔۔۔۔۔۔! جس کے وجود کو آج عاشر کی باتوں نے بہت زیادہ چھلنی کر دیا تھا۔ آج اس پر یہ حقیقت عیاں ہو گئی تھی کہ زندگی میں صرف دولت ہی سب کچھ نہیں ہوتی۔ عورت کے لئیے سب سے اہم چیز اس کے شوہر کی محبت، گھر کا سکون اور آرام ہے۔ دولت روپیہ پیسہ تو ثانوی حیثیت رکھتا ہے۔ وہ تو جیسے بت بنی بیٹھی تھی۔ زندگی نے آج ایسا طمانچہ اس کے منہ پہ مارا تھا۔ جس نے اسے خوابوں کی دنیا سے نکال کر حقیقت کی زمین پہ پٹخ دیا تھا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
(جاری ہے)۔۔۔۔۔۔۔۔۔۔!!!!
لب سے جو نکلی دعا۔۔۔۔۔۔۔۔۔۔۔!!!
تحریر
حناء شاہد
اگر ناول کی یہ قسط اچھی لگی ہو تو اپنی قیمتی رائے سے ضرور آگاہ کیجئیے گا۔
شکریہ۔۔۔۔۔۔۔!!!
آپ سب کی رائے کا شدت سے انتظار رہے گا۔
طالبِ دعا
حناء شاہد
“
