Batey Kuch Adhoori c By Hina Shahid Episode 2
باتیں کچھ ادھوری سی
سلسلہ نمبر 2: تحریر حناء شاہد
بےحسی اور خودغرضی کا خول ہمارے وجود کو دیمک کی طرح چاٹ جاتا ہے۔ باہر سے خوبصورت نظر آنے والے یہ وجود اندر سے کسی مردار کی طرح ہوتے ہیں۔ ہم انہیں لاکھ خوشرنگ تابوت میں قید کر کے رکھیں ان سے اٹھنے والی باس اردگرد کے ماحول کو بھی تعفن زدہ کر کے ہی چھوڑتی ہے۔
اقتباس۔۔۔۔۔ مکمل ناول میرا نصیب ہو تم۔۔۔۔۔!!! تحریر حناء شاہد
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عورت کبھی بھی اس مرد کو نقصان نہیں پہنچا سکتییا اس مرد کو مار نہیں سکتی۔جس مرد سے اس نے بے پناہ محبت کی ہو اور بدلے میں اس مرد نے اسے محبت کا جال بچھا کر برباد کیا ہو۔ محبت کا خوبصورت جھانسہ دے کر اس کے احساسات اور جذبات کے ساتھ کھیل کر اس کا استعمال کیا ہو۔ اور اس کو زندہ لاش بنا کر رکھ دیا ہو۔ اس دنیا میں یقین جانیں سب سے بڑا گناہ کسی کے جذبات اور احساسات کا قتل کرنا ہے۔ جس کی تلافی ممکن نہیں ہے۔ کبھی بھی نہیں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
زمانے میں وہ لوگ اچھے ہوتے ہیں جو آپ کے ساتھ صرف یہ سوچ کر چلتے ہیں کہ اس انسان کے ساتھ چل کر میرا کتنا فائدہ ہو سکتا ہے۔ اور یقین مانیے اپنا فائدہ سوچ کر آپ کو استعمال کرنے والے لوگ ہی زمانے میں معتبر ٹھہرتے ہیں۔
استعمال کرنے کا مطلب ۔۔۔۔۔۔!!! آپ کے جذبات، احساسات ، آپ کے خلوص ، آپ کی چاہت کو استعمال کر کے آپ کو بے جان کرنے والے لوگ زمانے میں اچھے بن جاتے ہیں۔ معصوم بن جاتے ہیں۔ اور آپ ایک زندہ لاش کی طرح زندگی گزارتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
زندگی کیاہے۔۔۔۔۔؟؟؟ ایک جہدِ مسلسل۔۔۔۔۔!کچھ پانے کی دوڑ میں لمحوں کو صرف کرتے رہنا۔۔۔۔۔۔۔یا پھر۔۔۔۔۔!!!
تقدیر کی لاٹھی کے ڈر سے تماشا کرتی کٹھ پتلیوں کے اندر مقید ہے زندگی۔۔۔۔۔!!!
زندگی جبرِ مسلسل کی طرح کاٹی ہے
نہ جانے کس جرم کی پائی ہے سزا یاد نہیں
بعض لوگ واقعی اپنی زندگی جبرِ مسلسل کی طرھ کاٹتے ہین اور ساری زندگی وہ اس سوال کا جواب تلاشنے مین لگا دیتے ہیں کہ وہ کس گناہ کی سزا کاٹ رہے ہیں۔۔۔۔۔۔؟ پتہ نہیں۔۔۔۔۔۔!!! مگر سزا تو بحرحال سزا ہوتی ہے۔ گناہ کا علم ہو یا نہ ہو جو سزا نصیب میں لکھی ہے اسے کاٹنا ہی پڑتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اگر زندگی میں محبت اور محبت میں اعتبار اور عزت نہ ہو تو محبت کی حیثیت اس پھول کی سی ہوتی ہے جو خوشبو تو دیتا ہے۔ مگر کانٹوں کا سفر اس قدر گھائل کر دیتا ہے کہ خوشبو اپنی اہمیت کھو دیتی ہے۔ اور ایسی زندگی کی حیثیت اس سوکھے پیڑ کی مانند ہوتی ہے جو زمین کے ساتھ منسلک تو ہوتا ہے لیکن کبھی کسی کو سایہ نہیں دے سکتا۔
ناولٹ لب سے جو نکلی دعا۔۔۔۔۔۔! تحریر حناء شاہد
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محبت کا ایک اصول ہونا چاہئیے۔۔۔۔۔۔۔
محبت کرنے والے کی ہر غلطی معاف
اور۔۔۔۔۔۔!!! محبت فراموش کرنے والے کو
سزائے موت دے دینی چاہئیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جو انسان آپ کے ساتھ سچی محبت کرتا ہو وہ کبھی بھی یہ بات برداشت نہیں کرے گا کہ آپ کا محبوب کسی دوسری خوبصورت چیز کی طرف دیکھے۔
اور اس کی تعریف کرے۔ یہ فطری عمل ہے۔
عشق و محبت میں شرک کی گنجائش نہیں ہوتی۔
اور جو شرک کرتا ہے اس کو کبھی معافی نہیں مل سکتی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
(جاری ہے )
