رشک حناء                 (افسانوں کا مجموعہ)مصنفہ                              حناء شاہد

؎   وہی سادہ سا  فسانہ  ہے   فسانہ  دل  کا

     نِت  نئے رنگ سے دنیا جسے  دہراتی ہے

                   انتساب

زندگی کی قوس و قزاح کا ایک حسین رنگ۔۔۔۔۔۔۔۔۔۔۔!!!                                                                                                     میرے اساتذہ کرام۔۔۔۔۔۔۔۔۔۔۔!!!                                                                                                                                بالخصوص      !!!                                                                                                                                                      استادِ محترم  پروفیسر لالہ رُخ بخاری صاحبہ کے نام۔۔۔۔۔۔۔۔۔۔۔۔۔!!!                                                                                                                  ناول نگار ، شاعرہ اور  مثالی استاد ہونے کے ساتھ ساتھ ایک بہت اچھی انسان بھی ہیں۔ حساس طبیعت کی مالک اور انسان دوست اتنی ہیں کہ ہر کسی کی تکلیف کو دل سے محسوس کرتی ہیں۔ اور اس تکلیف کو دور کرنے کی ہر ممکن کوشش بھی کرتی ہیں۔                                                                                                     زندگی کے مشکل ترین وقت میں جنہوں نے میرا ساتھ دیا، ہمت بندھائی اور میری رہنمائی کی۔                                        آگے بڑھنے کے سفر میں اپنی توجہ اور شفقت کے پرمسرت دیپ روشن کیے اور ہر لحظہ میرے لیے شجرِ سایہ دار ثابت ہوئیں۔                                                                                                                           میری پہلی کتاب (افسانوں کا مجموعہ) ، ” رشکِ حناء” بڑے ہی ادب اور احترام کے ساتھ استادِ محترم پروفیسر لالہٰ رُخ بخاری صاحبہ کے نام۔۔۔۔۔۔۔۔۔!!!۔

                            ؎  میری ہستی کی تمازت میں کیا نام نے تیرے

                                وہ   کام  جو  ویرانے  میں  دیوار  کرے ہے

                               ہر شام  جماتی  ہے  تیرے  خواب  کی  محفل

                               ہر   صبح    تیری   یاد   کو  بیدار  کرے  ہے

                                                                                                                         حناء شاہد

                         فہرست

۱ـ     اعمال کی فصل

۲-     لب سے جو نکلی دعا

۳-     جو چاہا میں نے وہ پالیا

۴-     فیصلہ

۵۔    مٹی کا قرض

 ۶-   مقیدِ رسم و رواج ہے یہ دنیا

۷ ۔   گناہوں کی بستی

۸ ۔   ابرِ رحمت                              

۹ ۔   آبروئے بِنتِ حوا تار تار۔۔۔۔۔۔۔۔!!!

۱۰ ۔   خواب نگر کا سفر۔۔۔۔۔۔!!!

۱۱-  زندہ درگور

۱۲۔   تیری سادگی پہ ناز ہے۔۔۔۔۔۔۔!!!

۱۳۔   اڑان

۱۴ ۔   مجھے آسماں کی تھی خواہشیں۔۔۔۔۔۔۔۔۔!!!

۱۵ واپسی ممکن نہیں۔۔۔۔۔۔۔!!!

                        ابتدائیہ

شروع اللہ کے نام سے جو بڑا مہربان نہایت رحم کرنے والا ہے۔ وہ پاک ذات جو تمام جہانوں کا خالق ومالک ہے۔ اور بیشک تمام تعریفیں صرف اسی کے لیے ہیں۔

              ؎   کون بجھتے ہوئے منظر میں جلاتا ہے چراغ

                   سرمئی   شام   پہ  تحریرِ  حناء  کس  کی  ہے

میں سوچتی ہوں کہ قلم کتنا عظیم ہے۔۔۔۔۔۔۔۔!                                                                                   قلم۔۔۔۔۔۔۔!!!                                                                                                                                                                         کائنات کے تسلسل کو سمجھانے اور صداقت کو نمایاں تر کرنے کے لیے اللہ تعالیٰ جس کی قسم کھاتا ہے اور جس کے ذریعےٰعلم کو نور عطا کرتا ہے۔                                                                                                                        حضورصلیٰ اللہ علیہ والہٰ وسلم کا فرمان ہے:                                                                                                                         “علم صحرا میں تمہارا دوست، تنہائی میں تمہارا مونس، جدائی میں تمہارا رفیق، مصیبت میں تمہارا سہارا، بزم میں تمہارا حُسن اور رزم میں تمہارا کارگر ہتھیار ہے۔”                                                                                       الغرض۔۔۔۔۔۔۔!!!                                                                                                              یہی علم قلم کی نوک سے بکھرتا بھی ہے اور نکھرتا بھی ہے۔ قلم عظیم ہے اور یہ اس کا حسنِ کردار بھی ہے۔ جس نے اسے عظمت عطا کی ہے۔ اس کا قد کاٹھ نہیں ہوتا۔ یہی قلم ہے جس سے شفق میں حسن اور پھول میں برنائی ہے۔ جس سے ملّت کے اُفق پر نئی صبحیں بکھرتی ہیں اور نئے سورج نکلتے ہیں۔ جس کی موجوں سے تاریخ کے چمن شاداب نظر آتے ہیں۔ قلم تخیل کو لفظ اور کاغذ کو زبان عطا کرتا ہے۔ اسی سے سکوت میں ساز اور فکر میں آواز ہے۔ یہ لطف و کرم کا سایہ اور خبرو نظر کا سرمایہ بھی ہے۔ اسی قلم کی وسعت سے لاکھوں قلم کار، ناول نگار، افسانہ نویس اور شعراء حضرات اپنے فکروتخیل کو بدلنے میں اہم کردار ادا کر رہے ہیں۔                                                     “رشکِ حناء”   (افسانوں کا مجموعہ)  ایک خوبصورت خواب کی بےانتہاء خوبرو تعبیر، ایک دلکش احساس۔۔۔۔۔۔۔۔۔!!!                                                                                                                                       جو ذہن کے بند دریچوں میں پنپ رہا تھا۔ محنت، شوق اور لگن نے بند دریچوں کو کھولا اور جب یہ احساس کاغذ پر رقم ہونا شروع ہوا تو نِت نئے کردار خوش رنگ پھولوں کی طرح مہکنے لگے اور فضاؤں میں اپنے عزم و ہمت کے قصے بکھیر کر اپنے ہونے کا ثبوت دینے لگے۔                                                      گورنمنٹ پوسٹ گریجوایٹ کالج برائے خواتین سیٹلائٹ ٹاؤن گوجرانوالہ کے سالانہ عنبر میگزین میں جب پہلا افسانہ شائع ہوا تو اپنا نام عنبر میگزین کی فہرست میں دیکھ کر جو خوشی اس وقت ہوئی تھی۔ آج بھی اس خوشی کی یاد ذہن و دل کو پُرمسرت کر دیتی ہے۔                                                                                               مدیرہ اعلیٰ عنبر میگزین پروفیسر لالہٰ رُخ بخاری صاحبہ کا کتابی چہرہ، شگفتہ تبسم اور محبت بھری تھپکی نے جو خواب میری آنکھوں میں سجایا تھا۔ آج وہ کتابی شکل میں آپ کے ہاتھوں میں موجود ہے۔ میں ہمیشہ اپنی استادِ محترم پروفیسر لالہٰ رُخ بخاری صاحبہ کی صحت اور زندگی میں کامیابیوں کے لیے دعاگو رہوں گی۔ جنہوں نے مجھے لکھنے کے لیے ابھارا اور میرے قلم کو اپنی محبت اور خلوص سے متحرک رکھا۔                                                                                                          ” رشکِ حناء”  (افسانوں کا مجموعہ)  کے ہر افسانے کے کرداروں میں ایک دبو سی لڑکی کسی نہ کسی روپ میں بڑے عزم و ہمت اور حوصلے سے زندہ ہے۔ اس دعاکے ساتھ کہ یہ عزم و ہمت اور ایمان و محبت ہمیں معتبر بنانے والی تمام خوبیوں کے ساتھ ہمیں بھی نصیب ٹھہرے۔(آمین)                                                                 الحمداللہ۔۔۔۔۔۔۔۔!!!                                                                                                                                       چارہ فرمائے غیبی کی کارسازیاں اور رہنمائیاں، دستگیریاں اور جذبہ توفیق۔۔۔۔۔۔۔۔!!!                                                                                                                                اسی کے کرشمہ عنایت ، لطفِ کرم و فضل کی بدولت میں اس کوشش میں کامیاب ہوئی ہوں۔ اگر اس کاوش میں خوبیاں ہیں تو وہ میرے اساتذہ کرام کی محنتوں کا ثمر ہیں اور اگر کچھ سقم ہیں تو وہ یقینا میری کم علمی کی وجہ سے ہیں۔ جو قارئین کو کتاب کا مطالعہ کرنے کے دوران معلوم ہو جائیں گے۔ بہرحال غلطی لازمِ بشریت ہے۔                                                                                                                           اگر کہیں قلم سے لغزش ہوئی ہو تو مجھے ضرور آگاہ کریں۔                                                                          “رشکِ حناء”  (افسانوں کا مجموعہ)  کتابی شکل میں آپ کے ہاتھوں میں ہے۔ آپ کی قیمتی رائے کا مجھے شدت سے انتظار رہے گا۔                                                                                                                                         آخر میں، میں بس یہی کہنا چاہوں گی۔۔۔۔۔۔۔۔۔!!!

                     ؎  زندگی بکھرے تو رنگوں میں بکھر جاتی ہے

                        آزمائش   سے  ذرا   اور   نکھر    جاتی    ہے

                        کوئی  منزل  تو  ملے  گی    ہمیں  چلتے چلتے

                        دیکھتے   ہیں  کہاں    تک  یہ   ڈگر جاتی  ہے

                                                                                                            طالبِ دعا

                                                                                                           حناء شاہد

      ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

Click on the links below to read more novels, poetry articles, and stories. Be sure to share your valuable feedback. Thanks.

https://www.hinashahidofficial.com