لوگ راستہ دیکھ رہے تھے۔۔۔۔۔۔

از

 حناء شاہد

لوگ راستہ دیکھ رہے تھے اور ہم راستے میں کھڑے لوگ۔۔۔۔۔ کامیابی اور ناکامی میں بس اتنا ہی فرق ہوتا ہے۔

یہ زندگی کی سب سے بڑی اور تلخ حقیقت ہے کہ ہم اپنی منزل پہ توجہ دینے کی بجائے دوسروں کی ٹانگ کھینچنے میں لگے رہتے ہیں اور بالآخر ایک دن اپنی ہی ٹانگیں کٹوا بیٹھتے ہیں۔ لہذا زندگی میں اپنا ایک مقصد بنائیں اور اس مقصد کو پورا کرنے کے لیے اپنی ساری تگ و دو لگا دیں۔ کیونکہ اگر زندگی میں مقصد ہو اور مقصد میں لگن نہ ہو تو وہ مقصد پایہ تکمیل تک کبھی بھی نہیں پہنچتا اپنے مقصد کو خود پورا کریں۔ ایک مشہور کہاوت ہے۔ منزل تک پہنچنے کے لیے راستوں سے گزرنا پڑتا ہے اور اکثر راستوں میں بعض اوقات ہماری ملاقات کتوں سے بھی ہو جاتی ہے ۔ اب جگہ جگہ بھٹکتے کتوں کے بھونکنے پہ کھڑے ہو کے جواب دینے لگ جائیں گے تو منزل پہ شاید کبھی بھی پہنچ نہ سکیں اس لیے منزل پہ پہنچنے کے لیے جواب دینا ضروری نہیں ہوتا بس خاموشی کے ساتھ چلنا پڑتا ہے۔ منزل کا ملنا لازم ہے۔