تحریر
حناء شاہد
بیڈ کراؤن کے ساتھ ٹیک لگائے وہ گم صم بیٹھی تھی۔اور خلاؤں میں نظر نہ آنے والی شے کو مسلسل گھورے جارہی تھی۔قلم اس کی یخ بستہ انگلیوں میں جمے ہوئے برف کے ٹکڑے کی مانند ٹھنڈا ہو چکا تھا۔جب بے ساختہ اس کے لبوں سے یہ الفاظ پھسلے۔سرمئی کانچ جیسی آنکھوں سے دو موتی ٹوٹ کر اس کے گلابی رخساروں پہ پھیل گئے۔کمرے میں نیم اندھیرا چھایا تھا۔اسے خود سے وحشت ہونے لگی تو اس نے اپنی پرسنل ڈائری سائیڈ ٹیبل پر رکھی۔اور کھڑی ہو گئی۔پھر وہ حیرت سے ادھر ادھر دیکھنے لگی۔اس وقت اسے یوں محسوس ہو رہا تھا کہ کمرے میں موجود ہر شے اس پہ ہنس رہی ہو اس کا مذاق اڑا رہی ہو۔
“مجھے اپنی زندگی میں صرف محبت ، اعتبار اور عزت چاہئیے۔”
وہ زور سے چلائی تو اس کی آنکھوں سے آنسو برسات کی تیز بارش کی طرح چھلکنے لگے۔
“مجھے یہ دولت یہ روپیہ پیسہ نہیں چاہئیے۔مجھے تو صرف خالص اور ریاکاری سے پاک محبت چاہئیے۔”
اس نے اپنے گلابی رخساروں سے آنسو پونچھے۔پھر اس کا دل یکدم ہی گھبرانے لگا۔ تو وہ کمرے سے باہر آ گئی۔ اور بے اختیار ہو کر بیرونی دروازے کو
پار کر گئی۔ وہ اپنے حواسوں میں نہیں لگ رہی تھی۔ شاید۔۔۔۔۔۔۔!!!! کچھ لمحے کھلی فضاء میں سانس لینا چاہتی تھی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انشاء اللہ۔۔۔۔۔۔۔۔!!!
بہت جلد۔۔۔۔۔۔۔!!!
